Yeh kehna k chaand nikalta hai baam pr ab bhi

Aseer-e-dasht-e-wafa ka

na maajra kehna,

Tamam poochhne walon ko bs dua kehna..

Ye kehna k rat guzrti hai ab bhi aankhon me,

Tumhari yaad ka qaaim hai silsila kehna..

Yeh kehna k chaand nikalta hai baam pr ab bhi,

Mgr nahi woh shab ka ab maza kehna..

Ye kehna k

hum ne hi toofan me daal di kashti,

Qasoor apna hai darya ko kya bura kehna??

Yeh kehna k tum se bichhr k

bikhar gaya hun main,

K jesy hath se

gir jaey "AAYENA" kehna...

Kanch ke Ghar

=>Toot jaty hain bikhar jaty hain,
Kanch k ghar me muqaddar "APNE", . .
Ajnabi to sada pyar se miltey hain,
Bhool jatay hain to aksr "APNE"*

Uski Sitam Nawaziyan

Nahi tha zor uski sitam Nawaziyon ka magr,

Mujhe b hoslay mere Khuda se milay,

Meri ana kyun kehti hy bar bar mujhe,

Wo Mohabat hi kya jo iltaja se milay...

Main Ne Ulfat K Taqazon Ko Nibhaya Aksar

Main Ne Ulfat K Taqazon Ko Nibhaya Aksar,

Aur Logon Ne Mera Dard Barhaya Aksar,

Main Ne Toottey Huwe Logon Ko Uthana Chaha,

Aur Logon Ne Sar-e- Raah Giraya Aksar,

Main Ne Chahat Ko Zamane Mei Tamasha Na Kiya,

Apne Dhalte Huwe Ashkon Ko Chupaya Aksar,

Yun Tere Tark-e-Talluk Se Shikayat Kesi,

Chorrh Deta Hai Mera Saath Bhi Saaya Aksar...